Botnsúlur 20. júlí

Eitt af mest áberandi og eftirtektarverðu fjöllunum í nágrenni Þingvalla eru Botnssúlur. Kannski Skjaldbreiður nái að fanga augað frekar sökum reglulegar lögunnar sinnar. Oftar en ekki fá Botnssúlur að fljóta með í bakgrunni á myndum af Þingvöllum þar sem þær teygja sig hnarreistar til himins.
Gangan sem við ætlum að fara í dag hefst við Svartagil sem er á milli Botnssúlna og Ármannsfells.
Gömul þjóðleið liggur upp brekkurnar frá Svartagili yfir Gagnheiði, sem er á milli Súlnabergs og Ármannsfells austan við Botnssúlur og Hvalvatns og til efstu bæja í Skorradal og Lundarreykjadal. Þessi leið var nokkuð farin áður fyrr því hún er greiðfær og létt undir fæti. Nú eiga fáir þar leið um, helst fótgangandi fólk eins og við í skemmtiferð. Af Gagnheiði og undan Súlnabergi kemur Súlnagil, en nóg er um gil á þessu svæði, t.d að áður nefndu Súlnagili eru Sláttugil, Krókagil, Svartagil, Klömbrugi, Hrútagil og Kaplagil.
Við göngum út fyrir Súlnabergið og síðan upp á milli Háusúlu og MiðSúlu og í Bratta skála Ísalps í Súlnadal.
Ef eitthvað er að veðri eða veðurútlit tvísýnt verður gripið til áætlunar "B" (rauða strikið á kortinu) og sleppt að fara upp á SyðstuSúlu, en í staðin farið niður dalnum til austurs og að upphafsstað göngunnar við Svartagil.
Ekið er sem leið liggur til Þingvalla. Við Þjónustumiðstöðina er beygt til hægri, til vinstri hjá þeim sem kom af Reykjavíkursvæðinu, inn á Uxahryggjaleið og ekið þar til komið er hestamannasvæðinu við Skógahóla en þar er aftur beygt til vinstri og ekið eftir þeim vegi fyrir fjallsmúla og að upphafstað göngunar við Svartagil.
Þetta er nokkuð mikil ganga og löng og krefst nokkurs úthalds.
Mæting er við FSU kl. 8:00, stundvíslega, þar sem safnast verður saman í bíla,verð fyrir sæti 1000-kr. Reiknum svo með því að leggja af stað í gönguna kl:09:00.
Göngustjóri Daði Garðarsson

default GPS (22 KB)  til viðmiðunnar
Vegalengd: um 20 km
Göngutími: um 8-10 klst.
Byrjunarhæð 160
Mestahæð: 1095. m

Hekla 6. júlí

Heklu þarf trúlega ekki að kynna fyrir neinum. Þetta magnaða eldfjall blasir víða við af Suðurlandinu og hefur í aldanna rás ógnað byggðum í nærsveitunum. Hekla er eitt af virkustu eldfjöllum landsins og það eldfjall sem hefur spúð frá sér mestu magni gosefna, hrauni, gjósku og vikri.
Ganga á fjallið er engum ofraun og hæg leið er á Heklu að norðvestanverðu um Skjólkvíahraunið. Þá er haldið á milli hlíðar og hrauns og nokkru innan við Rauðuskál er lagt á brattann og haldið upp meginöxlina á hátindinn (1491). Önnur leið á Heklu er frá Næfurholtsfjöllum og er þá stefnan á hátindinn tekin upp Litlu – Heklu. Hekla er eitt magnaðasta útsýnisfjall Suðurlands, Fjallabakið og tindar þess blasa við nær en fjær glittir í Hvannadalshnúk og Vatnajökul.

Vegalengd 13 km, byrjunarhæð er í um 500 m,  göngutími ca. 7 tímar, heildarhækkun 1000. metrar. default GPS (12 KB)  til viðmiðunnar.
Farið frá FSU kl. 8.00 og sameinast í bíla. 1.500 kr fyrir far með öðrum.
Göngustjórar Kristjan Snær Karlsson og Björg Halldórsdóttir

Útbúnaður: Mikilvægt er að taka með sér góðan búnað, góða gönguskó, góðan hlífðarfatnað, húfu og vettlinga, göngustafi, bakpoka og nesti.

Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þó svo að göngustjóri sé með í för. Félagið hvetur fólk til að vera ferða og slysatryggt í ferðum sínum.
Með göngukveðju ferðanefndin

Fimmvörðuháls er ein af vinsælustu gönguleiðum landsins.

Vegalengd 22. km
Áætlaður göngutími 9 – 10 klst.
Lóðrétt hækkun 1000 metrar
Farið verður með rútu frá FSU kl. 6.00 að morgni 22. júní og farið að Skógum þar sem gangan hefst.
Verðum sótt í Þórsmörk kl. 18.00
Hægt er að geyma farangur í rútunni yfir daginn .
Greiða þarf fyrir farið. Félagsmenn í FFÁR greiða 5.000- kr og aðrir 10.000- kr.
Reikningur 0189-26-001580, kt:430409-1580 og senda kvittun í SMS 8682553
Göngustjórar eru ú hópi FFÁR: Kristján Snær Karlsson, Sævar Gunnarsson, Kristjörg Bjarnadóttir og Olgeir Jónsson

Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þótt göngustjóri sé með í för.
Félagið hvetur fólk til að vera með ferða og slysatrygginu á ferðum sínum. 

Sjá nánar hér að neðan.

Read more: Fimmvörðuháls 22. júní