Upphaf göngu er í Hveradölum, rétt neðan við Skíðaskálann. Gengið verður fyrst um göngin undir þjóðveginn. Þaðan verður gengið á hnúkana sunnan við veginn. Leiðin liggur um hæðir og hóla, svolítið upp og niður, trúlega verða hólarnir 6 talsins. Hækkunin er ekki mikil, í mesta lagi 100 m. fyrir hvern hól. Vegalengdin er ca. 8 km. og reikna með 3 – 4 tímum á göngu.
Brottför frá Samkaup (Horninu) á Selfossi kl. 9:00. Þar verður sameinast í bíla og sætisverðið er kr. 1.000,-.
Hulda Svandís Hjaltadóttir verður göngustjóri í ferðinni.
Við minnum á fatnað við hæfi, gott nesti og nóg að drekka því að sjálfsögðu verður tekin nestispása. Það er ekki verra að hafa göngubroddana meðferðis.
Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þó svo að göngustjóri sé með í för. Félagið hvetur fólk til að vera ferða- og slysatryggt í ferðum sínum.
Með kveðju frá ferðanefnd