Kveðjum veturinn með kvöldgöngu á Ingólfsfjallið

Um leið og félagið óskar ykkur gleðilegs sumars og þakkar fyrir góða þátttöku í gönguferðum vetrarins, höfum við ákveðið að vera með kvöldferð 19. apríl n.k.síðasta vetradag (frídagur daginn eftir).Von okkar er að sjá ykkur sem flest í þá göngu.

Upphafsstaður göngunnar er við afleggjarann að Hvammi, síðan beint af augum upp svo kallaða Aulagil og stefnum síðan á suður brúnir fjallsins upp af Djúpadal, þar sem gestbókin bíður okkar.
Þetta er svolítið brött byrjun, en engum verður meint af því.
Vegalengd: um 8. Km
Göngutími: um 3. Klst

Eins og alltaf þá eru allir velkomnir, hvetjum við alla félagsmenn jafnt sem aðra til að mæta og taka þátt í göngu í skemmtilegum félagsskap. Göngustjóri Sævar Gunnarsson.
Lagt verður af stað frá Þórustaðarnámu kl. 18:30, stundvíslega. Þar verður safnast saman í rútu og okkur keyrt vestur fyrir fjallið að upphafsstað göngunnar við Hvamm, gjald kr. 500-.
Útbúnaður: hlífðarfatnaður, eitthvað að maula og drekka og þar sem gangan er að kvöldi til og við gætum lent í því að það verði farið að skyggja í lok göngunnar, er mælt með því að taka með sér ljós.

Heimildir: könnun á vettvangi.

Með göngukveðju Ferðafélag Árnesinga