Jarlhettur 5. júlí

Óvíða gefur að líta jafn tignarlega tindaröð og Jarlhettur við Langjökul. Þangað er förinni heitið, á fjall sem ýmist er nefnt Stóra-Jarlhetta eða Tröllhetta.

 Tindaröð Jarlhettna er um 15 km löng, og alls eru þessir móbergstindar taldir vera um 20 að tölu. Þeir rísa flestir 200-300 m yfir nágrennið. Hæsti tindurinn er innarlega í röðinni austan við Skálpanes, 1082 m yfir sjávarmáli, en tindurinn Tröllhetta, sem er miðsvæðist fullt eins áberandi, þótt hann sé lægri.

 Jarlhettur hvernig stendur á þessu nafni? Því menn oft velt fyrir sér og hefur löngum verið slegið föstu, að tindarnir séu kenndir við þann eina jarl sem nokkru sinni var á Íslandi, Gissur Þorvaldsson. Þórhallur Vilmundarsonar prófessor telur að örnefnið hafi upphaflega verið Járnhettur, þá raunar borið fram Jarnhettur, og hafi það síðan breyst í Jarlhettur. Járnhettur voru að sjálfsögðu hjálmar og fær sú samlíking vel staðist, því margir kollar Jarlhettana hafa lögun sem minnir á hjálm.