Ferðafélag Árnesinga stofnað
Ný deild í Ferðafélagi Íslands, Ferðafélag Árnesinga, var stofnuð á Selfossi þann 12. mars 2009.
Fyrstu stjórn þess skipuðu Jón G. Bergsson formaður og meðstjórnendurnir Daði Garðarsson, Eiríkur Ingvarsson, Soffía Sigurðardóttir og Ægir Sævarsson. Varamenn voru Ragnheiður Ástvaldsdóttir og Sigrún Óskarsdóttir. Skjalavörður var kosinn Þorsteinn Másson. Um 70 manns skráðu sig í félagið sem stofnfélagar.
Félagið mun beita sér fyrir ferðalögum innanlands, einkum um sunnanvert landið, kynna gönguleiðir og efla möguleika og virkni fólks á öllum aldri í gönguferðum og annarri útiveru.
