Klóarfjall og Kyllisfell 13. nóv.

Gangan á Klóarfjallið og Kyllisfellið liggur upp Grændalinn að austanverðu. Í sumum heimildum er talað um að hann hafi heitið Grendalur en má það nokk liggja á milli hluta, grænn er hann(allavega á sumrin) með hitauppsprettum hér og þar.

Af Klóarfjalli er haldið yfir á Kyllisfellið(485.ys) eftir merktri leið, eða í það minnsta markar fyrir henni, af Kyllisfellinu höfum við góða yfirsýn yfir Kattartjarnirnar og yfir á Súlufellið, héðan höldum við um Dalskarð á stikaðri leið. Undir Dalskarðshnúki var Orkuveita Reykjavíkur með gönguskála, en hann brann fyrir nokkrum árum síðan. Þaðan fylgjum við áfram stikaðri leið niður Reykjadalinn að upphafstað göngunnar.