Marardalur 20. mars

Undan farið höfum við verið austan Hellisheiðar en nú skulum við færa okkur
vestur yfir Heiðina og heimsækja Marardalinn, en það er sigdæld undir vesturbrún Skeggja,
en svo nefnist hæsti hluti Hengilsins. Dalurinn er luktur hömrum á alla vegu, en botn hans
er flatur og grasi gróinn, einn þeirra unaðsreita, sem er að finna í nágrenni höfuðborgarinnar.

Read more: Marardalur

Hestfjall 27. mars 2010 ATH. BREYTT DAGSETNING

Enn leggjum við í'ann, nú er áætlunin að fara á Hestfjallið eitt af þekktari fjöllum í Grímsnesinu.

Leið 1. Farið er framhjá Kiðabergi og inn á afleggjara sem liggur að gömlu eyðibýli undir austur hlíð fjallsins, við förum eitthvað áleiðis inn á þennan afleggjara, áætlaðir km. í göngu eru níu.

Leið 2. Gengið er á Hestfjall frá bænum Vatnsnesi en tún bæjarins nær nánast að fjallinu, áætlaðir km. í göngu eru ellefu.

Við ákveðum hvora leiðina við förum, þegar við leggjum af stað.

Read more: Hestfjall 27. mars 2010

Aðalfundur Ferðafélags Árnesinga verður haldinn föstudagskvöldið 26. feb. n.k. kl: 20:00 í karlakórsheimilinu að Eyrarvegi 67 Selfossi.

Eftir venjuleg aðalfundarstörf, kemur Þór Vigfússon á fundinn og flytur smá tölu um ferðamennsku fyrri tíma, og hvað eina sem honum dettur í hug.
Síðan tekur við kaffihúsa- og/eða pöbbakvöld með myndum á skjávarpanum, eru félagsmenn hvattir til að koma með myndir á USB eða geisladiski sem þeir vilja að aðrir geti notið með þeim.