Gengið verður frá línuvegi skammt frá túnfæti Búrfellsbæjarins. Bærinn stendur undir samnefndu fjalli sem er kollótt móbergsfjall sem nær í um 536 m. hæð yfir sjávarmál.

Uppi á fjallinu Búrfelli er forn gígur með vatni í, sem myndast hefur við þeytigos. Þjóðsögur herma að göng séu á milli gígsins á Búrfellsfjalli og Kersins í Grímsnesi, og að þar búi nykur, en það er grár hestur sem hófarnir og eyrun snúa öfugt á. Ef einhver fór á bak nykursins þá hljóp hann með viðkomandi að vatninu í Kerinu eða á Búrfelli og stakk sér til sunds og drekkti þeim sem á baki var.

 Útsýnið af Búrfelli er frábært. Þarna sameinar maður útsýni yfir Þingvallavatn, eiginlega allt Sogið, Ingólfsfjall, Hengilinn og hið krumpaða umhverfi hans, Botnssúlur, Skjaldbreiði, Lyndgalsheiði, Laugarvatn og restina af hinum sunnlenska fjallahring: Hekla, Tindfjöll, Þríhyrningur og Eyjafjallajökull. Þetta er þægileg  fjallganga með ágætu útsýni að launum.

 Eins og jafnan í viðburðum Ferðafélags Árnesinga, er ekkert þátttökugjald, nema annað sé tekið fram, en það er mælst til að þeir sem nýta sér far hjá öðrum borgi kr. 500- fyrir farið.

Vegalengd: um 6. km
Göngutími: um 3. klst 
Byrjunarhæð: 100 m
Mestahæð: 536 m
Eins og alltaf þá eru allir velkomnir, kvetjum við alla félagsmenn jafnt sem aðra til að mæta og taka þátt í göngu í skemmtilegum félagsskap.
Mæting er við Samkaup (Hornið) kl. 09:30, stundvíslega. Þar sem safnast verður saman í bíla,
 Göngukveðja Ferðafélag Árnesinga,

Næsta ganga er í Ölfusinu, vestanverðu. Gengið verður frá Bjarnastöðum. Leiðin liggur fyrst upp á Neðrafjall, í gegnum skógræktina sem þar er að finna og upp á Efrafjall með viðkomu á Hesti. Þaðan verður landgræðslugirðingu fylgt í vestur og að lokum verður brúnin gengin frá svokölluðum fjallsenda að upphafsstað göngunnar. 
Áætluð vegalengd er u.þ.b. 12 km og göngutíminn um 4 tímar. Hækkun væntanleg 2 – 300 metrar.
Göngustjóri í þessari ferð verður Hulda Svandís Hjaltadóttir.
Efrafjall

 

 

 

 

 

 

 

Að venju verður safnast saman í bíla við Samkaup/Hornið á Selfossi, kl. 10:00, gengið af stað frá Bjarnastöðum kl. 10:20. 
Munið eldsneytispening 1000 kr fyrir þá sem fá far með öðrum.
Við minnum á fatnað við hæfi, gott nesti og nóg að drekka því að sjálfsögðu verður tekin nestispása. 

Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þó svo að göngustjóri sé með í för. Félagið hvetur fólk til að vera ferða- og slysatryggt í ferðum sínum.
Með kveðju frá ferðanefnd.

Afmælistilboð Ferðafélags Íslands á útivistafatnaði

                   

FÍ göngujakkar og peysur á tilboðsverðiFÍ kvenjakki

Ferðafélag Íslands verður 90 ára á næsta ári og af því tilefni býðst félagsmönnum að kaupa sérmerkta göngujakka og peysur á frábæru afmælistilboðsverði.

Um er að ræða Marmot Minimalist Goretex göngujakka á 20 þúsund krónur og Marmot Stretch Fleece göngupeysu á 10 þúsund krónur. Hægt er að kaupa annað hvort jakkann eða peysuna eða hvoru tveggja á samanlagt 29 þúsund krónur.

Fatnaðurinn kemur í kven- og karlasniði og í stærðum frá XS og upp í XXL.

Félagsmenn eru boðnir velkomnir á skrifstofu FÍ, Mörkinni 6 til að skoða og máta flíkurnar og panta í leiðinni. Einnig er hægt að panta beint með því að smella hér og fylla út sérstakt pöntunareyðublað.

Síðasti pöntunardagur er mánudagurinn 24. október.

Vinsamlegast athugið að þar sem um er að ræða stóra hóppöntun með miklum afslætti þá er ekki hægt að afhenda fatnaðinn fyrr en síðsumars 2017.

Sjá nánar um tilboðið og myndir af flíkunum. 

                                                                                                                            

Félagsskírteini og Árbók
Árbókin og félagsskírteinin eru til afgreiðslu á skrifstofu Kjarna-bókhalds ehf á Austurvegi 6 á Selfossi. Eindagi er 15. júlí. Dráttarvextir og kostnaður reiknast ekki eftir gjalddaga. Skírteinin veita afslátt í skála, tjaldsvæði og ferðir FÍ og afslátt í mörgum verslunum. Árbókin 2017 er að þessu sinni helguð Ísafarðardjúpi - Við Djúpið Blátt.

Gönguræktin á Selfossi
Gönguræktin er alla miðvikudaga kl:18:00. frá Fjölbrautarskólanum. Gengið er um bæinn og næsta nágrenni. Léttar göngur fyrir alla. Nánari upplýsingar á Fésbókinni.

Styrktaraðilar

Go to top