Í Kerlingaföll í hvelli! Nú er komið að göngugleði júlímánaðar. Við slórum ekkert og ráðumst til atlögu strax fyrstu helgina, 3. - 4. júlí í Kerlingafjöllum. Fylgist með þegar nær dregur. Skoðið endilega síðuna kerlingafjoll.is og sjáið þar gistimöguleika og hugmyndir að gönguleiðum. Hugmyndin er að fólk mæti almennt á föstudagskvöld og fari til baka á sunnudag. Boðið verður upp á fleiri en eina gönguleið og að fólk komi saman á laugardagskvöldinu.

Heldur betur hefur ræst úr göngugleðinni á Högnhöfða. Einn hópur lagði af stað í kvöld, en annar hópur ætlar að halda upphaflegri áætlun laugardagsins. Þeim sem vilja skella sé í síðari hópinn er bent á að lesa nánar um þá ferð í frétt hér á undan. Sumir ætla að mæta beint í Úthíð, en aðrir að hittast á Selfossi, við Hornið. Þá er bara að drífa sig!

Í samræmi við undirtektir við fyrirhugaðri ferð á Högnhöfða á laugardag, hefur áætlun verið breytt. Farið verður í kvöld, föstudagskvöld 19. júni og lagt af stað frá Samkaul (Horninu) á Selfossi kl 17:30. Þar verður sameinast í bíla eftir þörfum. Sólskinsganga! Allir velkomnir.

Félagsskírteini og Árbók
Árbókin og félagsskírteinin eru til afgreiðslu á skrifstofu Kjarna-bókhalds ehf á Austurvegi 6 á Selfossi. Eindagi er 15. júlí. Dráttarvextir og kostnaður reiknast ekki eftir gjalddaga. Skírteinin veita afslátt í skála, tjaldsvæði og ferðir FÍ og afslátt í mörgum verslunum. Árbókin 2018 er að þessu sinni helguð Upphéraði og öræfunum suður af, höf. Hjörleifur Guttormsson.

Gönguræktin á Selfossi
Gönguræktin er alla miðvikudaga kl:18:00. frá Fjölbrautarskólanum. Gengið er um bæinn og næsta nágrenni. Léttar göngur fyrir alla. Nánari upplýsingar á Fésbókinni.

Styrktaraðilar

Go to top