Vegna mjög dræmrar þátttöku fellur fyrirhugðu ferð í Kerlingafjöll niður. Fylgist með á heimasíðunni þegar boðað verður til ágústferðar okkar, en þá stefnum við á Þakgil og nágrenni Mýrdalsjökuls.

Því miður hafa aðeins 2 formlegar skráningar borist vegna fyrirhugaðrar Kerlingafjallaferðar og er henni því frestað um viku.  Lokatilkynning um þátttöku í þá ferð er til kl 21:00 miðvikudagskvöldið 8 júlí. Þótt við séum ekki að rukka þátttökugjald í þessar ferðir, liggur samt nokkur undirbúningur að baki þeim, fararstjórar til taks og fleira. Því þarf skráningu til að skipulagður viðburður fari fram.

Kerlingarfjöll eru ein af náttúruperlum landsins. Þar fara saman stórkostlegt landslag, fjölbreytt og fróðleg jarðfræði og síðast en ekki síst samspil jökla og jarðhita, gróðurs og gróðurleysis og ótrúleg litadýrð. Öllu þessu gleymir enginn sem upplifir fagran dag í þessari einstöku náttúruperlu. Þangað er gönguglöðu fólki stefnt komandi helgi, 3.-5. júlí.

Félagsskírteini og Árbók
Árbókin og félagsskírteinin eru til afgreiðslu á skrifstofu Kjarna-bókhalds ehf á Austurvegi 6 á Selfossi. Eindagi er 15. júlí. Dráttarvextir og kostnaður reiknast ekki eftir gjalddaga. Skírteinin veita afslátt í skála, tjaldsvæði og ferðir FÍ og afslátt í mörgum verslunum. Árbókin 2018 er að þessu sinni helguð Upphéraði og öræfunum suður af, höf. Hjörleifur Guttormsson.

Gönguræktin á Selfossi
Gönguræktin er alla miðvikudaga kl:18:00. frá Fjölbrautarskólanum. Gengið er um bæinn og næsta nágrenni. Léttar göngur fyrir alla. Nánari upplýsingar á Fésbókinni.

Styrktaraðilar

Go to top