Um leið og félagið óskar ykkur gleðilegs sumars og þakkar fyrir góða þátttöku í gönguferðum vetrarins, höfum við ákveðið að vera með kvöldferð 18. apríl n.k.síðasta vetradag (frídagur daginn eftir).Von okkar er að sjá ykkur sem flest í þeirri göngu.
Upphafsstaður göngunnar er við Þórustarnámuna, göngum aðeins austur með fjallinu og þar upp á brún, fylgjum suðurbrúninni að vörðunni þar sem gestabókin er, kvittum í hann eins og góðum gestum sæmir. Rúllum svo undan brekkunni að upphafsstað göngunnar.
Þetta er svolítið brött byrjun, en engum verður meint af því.

20171118 134742 Medium
Vegalengd: um 5. Km
Göngutími: um 2 1/2. Klst
Göngustjóri Sævar Gunnarsson.
Lagt verður af stað kl. 18:00, stundvíslega.

Eins og alltaf þá eru allir velkomnir, hvetjum við alla félagsmenn jafnt sem aðra til að mæta og taka þátt í göngu í skemmtilegum félagsskap. 
Muna að klæða sig eftir veðri og þar sem gangan er að kvöldi til og við gætum lent í því að það verði farið að skyggja í lok göngunnar, er mælt með því að taka með sér ljós.
Heimildir: könnun á vettvangi.
Með göngukveðju Ferðanefndin

Vestursúla frá Botnsdal 7. apríl

Ekið er inn Hvalfjörð, innst í firðinum er ekið afleggjara að gamla Botnsskála og áfram veginn inn Botnsdal (sama leið og að Glymi). Vegurinn endar á bílastæði skammt frá bænum Stóra-Botni.
Gangan hefst á bílastæðinu við Stóra-Botn gengið er yfir göngubrú á Botnsá. Í fyrstu er gengið eftir sömu slóð og þegar farið er um Leggjarbrjót. Þegar komið er að svokölluðum Sandhrygg er honum fylgt og haldið á brattann. Er haldið beint upp hrygginn þar til tindi Vestursúlu er náð. Vestursúla er gott útsýnisfjall og aðvelt uppgöngu en taka verður tilliti til þess að það er enn vetur skv. almannaki. Búnaðarkröfur eru jöklabroddar og ísexi.
búnaður
 
 
 
 
 
 
 
 

Vesturs

Mikilivægt er að vera búin í samræmi við veður og aðstæður.
Vestursúla er áberandi frá Hvalfirði og er hluti af Botnsúlum sem telur nokkra tinda.
Heildargöngutími er um 6+ tíma (upp og niður).
Hæðarhækkun: 1.029 metrar
Gönguvegalengd: 15 kílómetrar (upp og niður)
default GPS (50 KB)  leið
Eins og alltaf þá eru allir velkomnir, kvetjum við alla félagsmenn jafnt sem aðra til að mæta og taka þátt í ódýrri líkamsrækt og göngu í skemmtilegum félagsskap
Brottför af bílaplani við Fjölbrautarskólann á Selfossi kl.08:00. Þar verður sameinast í bíla og ekið í Botnsdal, sætisverð kr.1.500-. reikna má að gangan hefjist um kl: 09:45.
Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þó svo að göngustjóri sé með í för. Félagið hvetur fólk til að vera ferða og slysatryggt í ferðum sínum.
Göngustjóri
Með göngukveðju ferðanefndin.
Aðalfundur Ferðafélags Árnesinga  verður í Karlakórsheimilinu, Eyravegi 67 á Selfossi fimmtudaginn 22. mars kl: 20:00.
Hefðbundin aðalfundarstörf.
 
***Skýrsla formanns
***Ársreikningar lagðir fram og skýrðir
***Umræður um ársreikning og skýrslu formanns.
***Kosningar
***Atkvæðisrétt hafa allir fullgildir meðlimir félagsins.
***Önnur mál.

Á undan aðalfundinum mun Ágúst Sigurjónsson og Sigrún Hreiðarsdóttir segja okkur frá mjög áhugaverðri og skemmtilegri göngu á Grænlandi s.l. sumar. Þegar því er lokið verður boðið upp á veitingar og aðalfundurinn mun svo hefjast í framhaldi af því.

Með kveðju Ferðafélag Árnesinga

Félagsskírteini og Árbók
Árbókin og félagsskírteinin eru til afgreiðslu á skrifstofu Kjarna-bókhalds ehf á Austurvegi 6 á Selfossi. Eindagi er 15. júlí. Dráttarvextir og kostnaður reiknast ekki eftir gjalddaga. Skírteinin veita afslátt í skála, tjaldsvæði og ferðir FÍ og afslátt í mörgum verslunum. Árbókin 2018 er að þessu sinni helguð Upphéraði og öræfunum suður af, höf. Hjörleifur Guttormsson.

Gönguræktin á Selfossi
Gönguræktin er alla miðvikudaga kl:18:00. frá Fjölbrautarskólanum. Gengið er um bæinn og næsta nágrenni. Léttar göngur fyrir alla. Nánari upplýsingar á Fésbókinni.

Styrktaraðilar

Go to top