Laufafell er stakstætt tæplega 1200 m hátt fjall á Syðri – fjallabaksleið. Á góðum degi er útsýnið af því stórkostlegt. Markarfljót rennur við rætur þess. Skammt frá er Dalakofi Útivistar. Þetta er nokkuð krefjandi ganga. Það er nokkuð bratt en ekki lausar skriður.
Gangan tekur um 5 tíma.laufa
Farið verður frá FSU kl. 8.00 og haldið á Hellu þar sem við hittum göngustjórann við Olís. Þaðan haldið á veg no. 264 rétt austan við Hellu og síðan veg F210.
Það er rúmlega 2. tíma keyrsla frá Selfossi að upphafs stað göngu. Vegurinn er ekki góður fyrir fólksbíla en auðveldur fyrir jepplinga og jeppa. Þeir sem eru á þannig bílum meiga gjarnan bjóða fram far fyrir hina. Ekki ósanngarnt að greiða 2.000 kr.
Göngustjóri er Sævar Jónsson. Er hann kunnugur á þessum slóðum.
Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þó svo að göngustjóri sé með í för. Félagið hvetur fólk til að vera ferða og slysatryggt í ferðum sínum.
Með göngukveðju ferðanefndin
Bjólfell er áberandi fjallshryggur, 443 m að hæð, suðvestan undir Heklu. Ganga á fellið og umhverfið austan við Bjólfell býður ekki bara upp á stórkostlegt útsýni yfir drottningu íslenskra eldfjalla, sjálfa Heklu, heldur sjást hér einnig hinir mismunandi hraunstraumar sem fallið hafa í suðurátt. Landslagið fyrir innan Bjólfell kemur fólki yfirleitt á óvart, en einnig er hægt að ganga vestan megin við fellið eftir þjóðleið milli bæja.
Ganga á Bjólfell er einnig ganga á tröllkonuslóðum, því hver hefur ekki heyrt söguna um Gissur á Botnum, þar sem önnur tröllkonan hélt til í Bjólfelli, en systir hennar í Búrfelli, sem sést vel af tindi Bjólfells. Það er því svo sannarlega við hæfi að rifja söguna upp.bjolfell
Endanleg útfærsla og lengd göngunnar fer bæði eftir veðri og gönguhópnum. Sé veður gott er ætlunin að ganga einnig á Tindgilsfell og að Oddagljúfri.
Ágætt er að hafa í huga að gangan hentar mögulega ekki sem eru mjög lofthræddir (þeim sem t.d. geta ekki staðið uppi á stól).
Einnig er ekki úr vegi að stinga flugnaneti í bakpokann, því ganga við Bjólfellið á þessum tíma sumars býður einnig upp á flugur og því er ágætt að panta smá gjólu hjá veðurguðunum.
Tekið skal fram að gangan er nánast að öllu leiti í landi Næfurholts og fengið hefur verið leyfi hjá húsráðendum þar fyrir göngunni.
Gangan er 10 – 15 km, fer eftir endanlegu leiðarvali.
Heildar hækkun 530 m að lágmarki.
Göngutími 4 – 6 klst.
Nesti fyrir eina góða pásu.
Eftir göngu er tilvalið að aka áfram framhjá Næfurholti og síðan niður Landveg nr. 26.
Þá er ekki úr vegi að hafa sundfötin í bílnum og skella sér í sund á Laugalandi áður en haldið er heim á leið (opið um helgar kl. 10:00 – 19:00)
Athugið að Ferðafélag Árnesinga tryggir hvorki farþega sína né farangur þeirra. Farþegar ferðast með félaginu á eigin ábyrgð þó svo að göngustjóri sé með í för. Félagið hvetur fólk til að vera ferða og slysatryggt í ferðum sínum.
Göngustjóri Hugrún Hannesdóttir

Á laugardaginn 26 júni göngum við á Gullkistu á Miðdalsfjalli gangan er ca. 10 km og hækkun ca. 670 metrar. Af Gullkistu er geysimikið útsýni og við gefum okkur góðan tíma og áætlum að vera á göngu í 5-6 klst. Gangan er aðeins á fótinn í upphafi en ætti að vera við hæfi flestra sem eru vanir göngum. Leggjum af stað frá FSU Selfossi kl 8.30 á einkabílum eða hitta hópinn við Miðdalskirkju en þaðan leggjum við af stað kl 9.30. Hlökkum til að sjá sem flesta.gullkista
Göngustjóri verður Sigrún Jónsdóttir
Sjáumst hress og kát í góðum gönguskóm með gott nesti.
Ferðafélag Árnesinga

Félagsskírteini og Árbók
Árbókin og félagsskírteinin eru til afgreiðslu hjá stjórn félagsins. Eindagi er 15. júlí. Dráttarvextir og kostnaður reiknast ekki eftir gjalddaga. Skírteinin veita afslátt í skála, tjaldsvæði og ferðir FÍ og afslátt í mörgum verslunum. Árbókin 2020 er að þessu sinni helguð Rauðasandshreppi hin forni höfundar Gísli Már Gíslason og Ólafur B. Thoroddsen.

Gönguræktin á Selfossi
Gönguræktin er alla miðvikudaga kl:20:00. frá Fjölbrautarskólanum. Gengið er um bæinn og næsta nágrenni. Léttar göngur fyrir alla. Nánari upplýsingar á Fésbókinni.

Styrktaraðilar

Go to top